الساعه 10:45 يوم الاربعاء ,,
اذا ماخانتني الذاكره تاريخ 16 رمضان
الموقع الصاله .. وتحديدا جالسه ع الجهاز 
في مساء ذلك اليوم وبعد الافطار والاستراحه الساعه 10:45 تقريبا { طبعا البنر يفتح الساعه 10:00 ,,
حالي كـ حال اي طالبه بجامعتنا الأوحه
مالكم بالطويله
المهم وانا اللي اركب ارقام CRN (رقم الماده والشعبه) وكل ما ادخل رقم يقول لي كلوووز سكشن
المهم ان الجدول تلخبط قلت اشوا اني ماخذه احتياطي
.. وانا اللي اطلع الاحتياطي ونفس القضيه 
.. كلهم كلووووووووز سكشن { جاتني عقده من هالكلمتين ..
قلت خليني ادق ع وحده من الربع تسوي لي جدول اكود ان جهازي فيه بلى وادق وكل البنات نفس السالفه
وجربت ادخل اي ماده واي شعبه متوفره بعد محاولات
دخلت لي 4 ساعات
والبنات بعضهم دخل لهم 7 ساعات وبعضهم 9 وبعضهم ولا نص ساعه
دخلت في حالة قلق .. كيف وشلون بروح وبجي سمستر كامل ع 4 ساعات بسسس
على هالترتيب ماني متخرجه الا عقب عمرن طويل
,, اتفقنا نشن حمله ع وكيلة الكليه الهبـ دختوره( م.م ) اتوقع كل اللي يدرسون بالزراعه يعرفونها
طبعا كما هو معروف ان اول اسبوع من بداية الدراسه لعب ولهو
مافي دكتور يجي يشرح ,,فـ لذلك الناس يغيبون فيه الربع راجو يوم السبت يشوفون شالسالفه طبعا محد عطاهم وجه وكل إداريه تصرفهم من جهه 
انا مارحت السبت لاني عارفه الزحمه مع المستجدات ودنيا ومحد يعطي وجه,,قلت اروح الاثنين
_____________________
الاثنين 13 , شوال
الساعه 10:30
الموقع / الجامعة , المبنى الاول , الدور الاول
طبعا قبل ما اصعد للدور الاول جالسه اضغط ع زر المصعد ,, الا اهو طافي خخخخخخ قلت مالي الا الدرج
{ خخخخ اكيد الدرج اجل بخيوط سبايدر مان
..
وانا اللي اصعد واشوف الاوادم مبسطين قادم الاداره ,, والاداره انوارها مسكره خرررمس ,, خخخخ شكل خطنطر سراحه {يقولون الكهرب طافي بس التكييف شغال 
..سبحانك يارب
الموهيييم مشيت بخطوات بطيئه,, شفت وحده قاعده
- يالحلوه
- هااااه
- الدكتوره ( م.م ) فيه؟؟
- عندها اجتماع 
-بهالخرمس l: ؟؟
- خخخخ لالا مجتمعين بقاعه ثانيه
فيها انوار ههههههاااي
-يعني بتجي صح ؟؟ وانتم كل ابوكم تبونها؟
- اي اي بتجي بتجي .. اي كلنا عندنا مشاكل
صراحه صووووعقت ..كل هالجموع الغفيره بتدش ؟؟ عز الله استوا جدولي 
زين .. وننتظر ونتتظر وننتظر
________
الساعه 12:15
شرفت دختوره ( م.م ) ع قد ما الجماعه فرحانين ودهم يكفخونها .. بعضهم جايين الجامعه من الساعه 7
اهي انصدمت من المنظر وتدخل مكتبها بسوووووووووورعه وندخل كلنا وراهاقالت حبه حبه ..وقامت تسأل كل مجموعه عن مشاكلها
وصرفت كم وحده بحجة ان كهرب الاداره طافي وكوووول شغلها ع الكمبيوتر { ابدننننن,,صراحه اشك ان اهي اللي مطفيه عداد الكهرب
وصرفت كم وحده بحجة ان نظارتها مختفيه وماتقدر تقرا { قولي قسم يا دكتوره
ويجري البحث عن نظارة الدكتوره ( م.م ) ع طاولة الاجتماع بواسطة فريق كشافه يتكون من جم طالبه { هب غرفة اداريه والله
وعقب جهد جهيد فتحت شنطتها الكشخه وقالت اوووو هذا اهي هنا
{ لاااااه يقطع شرها من نظاره .. تهئ
انزين .. تجي لها وحده تقول انا عندي 12 ساعه ,, ودي بس ماده عشان يصيرون 15 قالت ( م.م ) : يه يه 12؟؟؟ زيييييييين ,, لا لا انتي ما اقدر اسوي لج
وشوي شوي صرفتنا وطلعتنا من غرفتهاوقالت لحد يروح بيته اصبروا لين نهاية دوامي الساعه 2
ونصبر ونصبر وبالاخير تقول تعالو بكرى { تهئ انتف روحي؟؟ 
الزبده ان الجماعه راحو بيوتهم وانا جلست انتظر ابوي يجي
ومعاي وحده من الطالبات تعرفت عليها بالمعمعه قالت انا بخلي زوجي يروح لدكتور مطلق .. بتاع القبول والتسجيل ,, يقولون انه متعاون
قلت في خاطري هذا وجهي ان احد عطاه وجه 
البنت شجعتني اخلي ابوي يروح للدكتور ,, قلت خل اجرب ما بخسر شي ,,دقيت ع بابا وقلت له السالفه ,, قال طيب
وراح للدكتور ,,وربـــــــــــي ما قصرمن جد هذا اللي يسمونه دكتور
مهب ( م.م ) الصمنديقه
ضبط لي جدول فيه 11 ساعه من بعد ما كانو 4
وكما وصلني من مصادر موثوقه ان اسباب عدم تسجيلنا عن طريق نظام البنر الغبر يعود لسببين :
الاول / يعود لطالبات الدفعات السابقه (اقصد الدفعات القديمه 2004 , 2005 ) كانو يلعبون وتأخرو
وبحكم ان التسجيل يكون كل يوم لدفعه بحيث الدفعات القديمه يبدأ تسجيلها في الايام الاولى فإن حضرتهم خلصو المقاعد على الدفعات الجديده { يعني احنا يا 2008 
الثاني والأهم/ يعود لادارة الكليه ,, حيث سمعت من اداريه تقول ان بعض الشعب فيها بس 16 طالبه او 12من متى وجامعتنا فيها شعب بـ12 طالبه؟؟ اخاف اكسفورد والا شي
بالعاده عدد الطالبات بين 60 الى 100 طالبه في الشعبه الواحده
السؤال اللي ينطرح هنا
ليـــــــــــــــــــــــــــــــــــه؟؟
اتمنى يوصل صداها الى من بيده الحل والربط
